МАН-ын даргад нэр дэвшиж буй Н.Учрал гэж хэн бэ?

МАН-ын даргад УИХ-ын гишүүн, Тэргүүн шадар сайд болон Эдийн засаг, Хөгжлийн сайд Н.Учрал нэр дэвшихээ зарлалаа. Түүний товч намтрыг хүргэе.

Ням-Осорын Учрал нь 1987 оны 1 дүгээр сарын 2-нд Улаанбаатар хотод төрсөн.

Айлын том хүү бөгөөд аав Намсрайн Ням-Осор нь “Их Засаг” Олон Улсын Их Сургуулийн үүсгэн байгуулагч, Ардын багш, ээж нь түүхийн ухааны доктор Ж.Цэцэгмаа.

Тэрээр 2004–2007 оны хооронд MC Тимон нэрээр 30 орчим дуу бичсэн, 2 цомог гаргаж, 20 орчим клип хийж байсан юм.

Гэхдээ 2010 оны орчимд тэрээр урлагийн карьераа өндөрлүүлж, боловсрол, бизнес, улс төрд анхаарал хандуулж эхэлсэн.

Боловсрол:

• 2003 онд Их Засаг лицей сургууль төгссөн.

• 2007 онд Их Засаг Олон Улсын Их Сургуульд эрх зүйч мэргэжлээр бакалавр хамгаалсан.

• 2010 онд Их Британид Limkokwing University of Creative Technology-д MBA (бизнесийн удирдлага) зэрэг авсан.

• 2012 онд Монгол Улсын Боловсролын их сургуульд түүхийн ухааны магистр, дараа нь (2013) ОХУ-ын ШУА-ийн Сибирийн салбарын Түүхийн ухааны доктор (PhD) зэрэг хамгаалсан.

Ажлын гараа:

• 2007–2008 онд “Их Засаг” Олон Улсын Их Сургуулийн ТУЗ-ийн дэд даргаар ажиллаж байжээ.

• 2010 оноос 2016 он хүртэл Royal Academy болон Royal International University-г үүсгэн байгуулж, ерөнхий захирлаар нь ажиллаж байв.

• Мөн франчайзингийн салбарт оролцохоор Монголын Франчайзингийн холбооны ерөнхийлөгчөөр ажиллаж байсан.

Улс төрийн замнал:

• 2009 онд МАН-д элссэн бөгөөд залуучуудын байгууллагуудтай холбогдсон.

• 2012–2014 онд Нийслэлийн МАН-ын хорооны улс төрийн хэлтсийн дарга

• Үүний зэрэгцээ, 2012 оноос Баянзүрх дүүргийн Иргэдийн Хурлын төлөөлөгч

• 2015 онд Шадар сайдын ажлын алба, олон нийттэй харилцах бодлогын зөвлөх

• 2016 онд Улсын Их Хурлын гишүүн

• УИХ-ын хэлэлцсэн хуулиудын дунд “Цахим бодлогын түр хороог” тэргүүлсэн (2018–2020)

• 2020–2022 онд УИХ-ын Инновац, Цахим бодлогын байнгын хорооны дарга