Энэ оны эхний найман сарын байдлаар Монгол Улсын гадаад худалдааны нийт бараа эргэлт өмнөх оны мөн үетэй харьцуулахад 8.2 хувиар, экспорт 13.8 хувиар, импорт 0.3 хувиар тус тус буурчээ.
Харин худалдааны тэнцэл 46.2 хувиар буурсан үзүүлэлттэй байна. Монгол Улс 2025 оны эхний найман сард нийт 157 улстай худалдаа хийж, гадаад худалдааны нийт бараа эргэлт 16.6 тэрбум ам.доллароор хэмжигдэж байна. Үүнээс экспорт 9.2 мянган ам.доллар, импорт 7.5 тэрбум ам.доллар, Гадаад худалдааны тэнцэл 1.7 тэрбум ам.долларын ашигтай гарсан байна.
Экспорт буурахад голлон нөлөөлсөн бүтээгдэхүүнүүд нь нүүрс, угаасан ноолуур, боловсруулаагүй газрын тос, боловсруулаагүй буюу хагас боловсруулсан алт, мөн хонь, ямааны мах байлаа.
Харин өсөлттэй гарсан бүтээгдэхүүнд зэсийн хүдэр ба баяжмал, мал амьтны самнасан үс, хялгас, цайрын хүдэр, баяжмал зэрэг багтаж байна.
Харин суудлын автомашин болон согтууруулах ундааны импорт нэмэгджээ.
Суудлын автомашин 128.6 сая ам.доллароор, согтууруулах ундаа 16.5 сая ам.доллароор тус тус өсжээ.
