Монголын багш нарын үйлдвэрчний эвлэлийн холбооноос энэ сарын 28-нд орон даяар ажил хаялт зарлахаа мэдэгдлээ. Өнгөрсөн наймдугаар сард тус эвлэлээс багш нарын цалинг 50 хувиар нэмэгдүүлэх шаардлагыг Боловсролын яам, Засгийн газарт хүргүүлсэн ч өнөөдрийг хүртэл шийдэлд хүрээгүй байна. Иймээс орон даяар ажил хаяалт зарлаж, багшийн цалин хангамж, ажиллах орчныг сайжуулахыг шаардах аж.
Багш нарын ажил хаялтад их, дээд сургууль, цэцэрлэгийн багш нар, мөн хөдөө орон нутгийн багш нар оролцохоо илэрхийлжээ.
Ирэх оны төсвийн төсөлд боловсролын салбарын зардлыг хоёр дахин нэмэгдүүлж, нэг их наяд төгрөг хуваарилж байгааг Засгийн газраас мэдээлсэн. Тэгвэл багшийн цалин нэмэхэд тусгайлан тавьсан төсөв байхгүй ч багш нарын нийгмийн асуудлыг шийдэхэд 100 тэрбум төгрөг төсөвлөөд байгаа юм.
