Улаанбаатар Ротари клуб, Хүннү Ротари клубууд хамтран 1.2 тэрбум төгрөгийн өртөг бүхий эмнэлгийн тоног төхөөрөмж, хэрэгслийг Говь-Алтай аймгийн Нэгдсэн эмнэлэг, Алтай, Дэлгэр, Шарга, Цогт, Бугат, Тайшир сумын эрүүл мэндийн төвүүдэд хандивлалаа.
159 нэр төрлийн 206.000 ширхэг эдгээр эмнэлгийн тоног төхөөрөмжийн дэмжлэг нь “Говь-Алтай 80+” хөтөлбөрийг хэрэгжүүлэх, аймгийн эрүүл мэндийн байгууллагуудын хүчин чадлыг нэмэгдүүлж, иргэдэд илүү хүртээмжтэй, чанартай үйлчилгээ үзүүлэхэд чухал хувь нэмэр оруулна гэдгийг аймгийн Засаг дарга Г.Чинбат онцлов.
