УИХ-ын гишүүн, Хууль зүйн байнгын хорооны дарга Д.Цогтбаатар өнгөрөгч долоо хоногуудад Сүхбаатар дүүргийн Ерөнхий боловсролын 4 болон 58-р сургууль, Чингэлтэй дүүргийн 23-р сургуулийн багш нарын төлөөллийг хүлээн авч уулзсан.
Багш нар тэмцэх болсон шалтгаанаа тайлбарлахын сацуу цалин болон нийгмийн асуудлуудынхаа талаар хөндөн ярив.
Энэ талаар УИХ-ын гишүүн Д.Цогтбаатар “Багш нар шавь нар, тэдгээрийн эцэг эхчүүдэд нь цалингийнх нь үнэн бодит мэдээллийг хүргэхийг хүсэж буйгаа илэрхийллээ. Нээрээ л мэдээлэл ташаа байх аваас шийдвэр зөв байж чадахгүй. Тиймээс суурь мэдээллийн бодит байдалтай нийцсэн байдалд аль аль талаасаа нэн анхаарах хэрэгтэй. Багш нарын тавьж буй шаардлагыг дэмжиж, хуулийн хүрээн дэх бүх бодит боломж, гарц шийдлийг эрэлхийлэн ажиллах болно” гэв.
