Төв, зүүн, говийн аймгуудын нутгаар өнөөдөр цас орж шуурна.
Нутгийн баруун хагаст солигдмол үүлтэй, бусад нутгаар үүлэрхэг. Баруун болон төвийн аймгуудын нутгийн өмнөд хэсэг, говь болон зүүн аймгуудын нутгийн зарим газраар цас орж, шуурга шуурна.
Салхи нутгийн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 6-11 метр, Алтайн уулархаг нутаг болон говийн бүс нутгаар секундэд 15-17 метр хүрч ширүүснэ.
Ихэнх нутгаар хүйтний эрч чангарч Увс нуур болон Дархадын хотгор, Завхан, Заг-Байдраг голын эх, Тэс, Хараа, Ерөө голын хөндийгөөр -25-30 градус, Монгол-Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Туул, Тэрэлж, Хэрлэн голын хөндийгөөр -18-23 градус, говийн бүс нутгийн баруун өмнөд хэсгээр -3-8 градус, говийн бүс нутгийн хойд болон зүүн хэсгээр -9-14 градус, бусад нутгаар -15-20 градус байна.
Улаанбаатар орчмоор үүл багасна, цас орохгүй. Салхи баруун хойноос секундэд 3-8 метр, -18-20 градус байна. Цаашдаа ихэнх нутгаар хүйтний эрч эрс чангарч, нутгийн өмнөд хэсгээр салхи шуургатай байхыг ус цаг уурын байгууллагаас онцгойлон анхааруулж байна.
