Монгол Улс 1961 оны аравдугаар сарын 27-нд Нэгдсэн Үндэстний Байгууллага (НҮБ)-ын 101 дэх гишүүнээр элссэн юм. Энэ онд НҮБ-ын бүрэн эрхт гишүүн болсны 63 жилийн ой тохиож байна.
Нэгдсэн Үндэстний Байгууллага нь 1945 оны аравдугаар сарын 24-ний өдөр байгуулагдсан бөгөөд олон улсын энх тайван, аюулгүй байдал, эдийн засаг, нийгэм, соёл болон хүмүүнлэгийн шинжтэй олон улсын асуудлыг шийдвэрлэх, хүний эрх, үндсэн эрх чөлөөг хүндэтгэх явдлыг дэмжиж, хөгжүүлэх талаар олон улсын хамтын ажиллагааг хэрэгжүүлэх Засгийн газар хоорондын байгууллага юм.
