Монгол, Хятад, Орос гурван улсын аялал жуулчлалын сайд нарын есдүгээр хуралдааны хүрээнд гурван талын аялал жуулчлалын бизнесийн төлөөлөгчдийн уулзалт өнөөдөр Дархан хотноо боллоо.

Арга хэмжээнд гурван улсын нийт 192 зочид төлөөлөгчид оролцож, салбарын хамтын ажиллагаа, боломж, чиг хандлагын талаар санал солилцов.

ССАЖЗЯ-ны мэдээлснээр, энэ үеэр “Цайны зам”-ын аялал жуулчлалын бүтээгдэхүүнийг олон улсад танин мэдүүлэх, бүс нутгийн аялал жуулчлалын интеграцийг гүнзгийрүүлэх талаар талууд байр сууриа нэгтгэжээ.