“Байнгын асаргаа шаардлагатай 0-16 хүртэлх насны хөгжлийн бэрхшээлтэй хүүхдийн өвчин, гэмтлийн жагсаалт, шалгуур үзүүлэлт”-ийн нэр томьёог олон улсын гэрээ, конвенцод нийцүүлэх, хөгжлийн бэрхшээлтэй хүүхдэд үзүүлэх үйлчилгээнд Олон улсын үйл ажиллагаа, хөгжлийн бэрхшээлийн ангиллыг ашиглаж эхлэх зорилгоор ажлын хэсэг байгуулан ажиллаж байна.
ГБХНХЯ-ны мэдээлснээр, ажлын хэсэг нь 0-18 насны хүүхдийн хөгжлийн бэрхшээлтэй эсэхийг тодорхойлох өвчин гэмтлийн жагсаалт, байнгын асаргаа шаардлагатай хүүхдийг тодорхойлох өвчин гэмтлийн жагсаалтыг тус тус боловсруулах юм.
АШУҮИС-ийн хүүхдийн анагаахын тэнхимийн багш, Хүүхэд судлалын мэргэжлийн зөвлөлийн гишүүн О.Солонго, АШУ-ны доктор Г.Соёлгэрэл нар зөвлөхөөр ажиллаж, журмыг энэ ондоо багтаан боловсруулан батлуулахыг зорьж байгаа аж.
2025 оноос эхлэн байнгын асаргаа шаардлагатай хүүхдүүдийн амьжиргааг дэмжих мөнгөн тэтгэмж 6 хувиар, үүнээс хүнд хэлбэрийн хөгжлийн бэрхшээлтэй хүүхдийг асарч байгаа асран хамгаалагчийн асаргааны тэтгэмжийг 30 хувиар нэмэгдүүлэн олгож эхэлсэн.
Түүнчлэн энэ оноос сургууль, цэцэрлэгт тогтмол хамрагдах боломжгүй хүнд хэлбэрийн хөгжлийн бэрхшээлтэй хүүхдэд хөгжлийн дэмжлэг үзүүлэх ажлыг эхлүүлэн дэмжих төвүүдэд санхүүжилт олгож байна. Мөн энэ оны 12 сараас байнга живх хэрэглэдэг хүүхдүүдэд живхний хөнгөлөлтөд 600,000 төгрөг олгохоор болж бэлтгэл ажлыг хангаж байна гэж харьяа яамнаас мэдээллээ.
What’s up, just wanted to say, I loved this blog post. It
was practical. Keep on posting!
My web blog :: Suncrest Luxon