Хүнс, хөдөө аж ахуй, хөнгөн үйлдвэрийн сайд М.Бадамсүрэнгийн орон нутаг дахь томилолт Дорнод аймагт үргэлжилж байна.
Тэрбээр яг одоо ХХААХҮЯ-ны Бодлого, төлөвлөлтийн газрын дарга Ц.Болорчулуун, Жижиг, дунд үйлдвэрийн газрын дарга Я.Эрдэнэсайхан болон аймаг, орон нутгийн удирдлагуудын хамт Дорнод аймгийн Халхгол сумын иргэдтэй уулзаж байна.
ХХААХҮ-ийн сайд М.Бадамсүрэн “Баруун-Урт, Чингис хот болон Хэнтий аймгийн Жаргалтхаан, Сүхбаатар аймгийн Мөнххаан, Эрдэнэцагаан суманд ажиллаад ирлээ. Эдгээр сумдыг Монгол Улсын Бүсчилсэн хөгжлийн бодлогод сум дундын хөгжлийн төв байхаар тусгасан. Халхгол сум нь Матад сумтай таталцан хөгжих сум дундын хөгжлийн төв байна. Иймд оны эхний томилолтоо дээрх сумдаас эхлүүллээ. Салбарын яамнаас бүсчилсэн хөгжлийн бодлогыг хэрэгжүүлэх, малчид, өрхийн үйлдвэрлэлийг дэмжих, хөдөөгийн хөгжилд чиглэсэн төсөл хэрэгжүүлнэ” гэдгийг тодотголоо.
Уулзалтаар Газрын тухай хууль болон Жижиг, дунд үйлдвэр, үйлчилгээг дэмжих тухай хуулийн нэмэлт, өөрчлөлтийн төслйин талаар мэдээлэл өгч, иргэдийн асуултад хариулна.
