Монголын электрон спортын холбооноос 10 мянган ам.долларын шагналын сантай онлайн тэмцээнийг энэ өдрүүдэд зохион байгуулж байна. Уг тэмцээнд Монголын “IHC Esports”, “ATOX Esports”, “The Huns Esports”, “Chinggis Warriors” баг оролцохоос гадна гадаадын дөрвөн баг уригдан иржээ.
Түүнчлэн 2024 оны хоёр дахь мажор тэмцээнд Ази тивээс оролцох багийг тодруулах тэмцээн энэ сарын 11-нд Хятадын Шанхай хотод болох юм. Тэмцээнд манай улсын “The MongolZ” баг, монгол дасгалжуулагчтай Австралийн “FlyQuest” баг, монгол тоглогчтой “Alter Ego” баг өрсөлдөх юм.
Харин Олон улсын электрон спортын холбооноос зохиодог шигшээ багуудын ДАШТ Саудын Арабын нийслэл Эр-Рияд хотод болно. 240 мянган ам.долларын шагналын сантай тус тэмцээнд Монголоос “The Huns Esports” баг оролцоно.
