1914 оны 7-р сарын 24-нөөс эхлэн Европын нутагт төвлөрөн үргэлжилсэн Дэлхийн I дайн 1918 оны энэ өдөр албан ёсоор дуусжээ. Энэ өдөр Францын Пикардийн бүс нутагт үүрийн 5 цаг 45 минутад дайтагч талуудын төлөөлөл гал зогсоох гэрээнд гарын үсэг зурсан. Энэ гэрээ 11-р сарын 11-ний 11 цагт хүчин төгөлдөр болсон юм.
Дайн үүсэхэд Австри-Унгарийн хаан ширээний залгамжлагч Франц Фердинандын 1914 оны 6 сарын 28-ны аллага гол түлхэц болсон төдийгүй Европын томоохон хүчнүүд болох Германы хаант улс, Австри Унгарын хаант улс, Отоманы хаант улс, Оросын хаант улс, Британы хаант улс, Франц болон Итали зэргийн “имперализм” үзлийн төрийн бодлогонууд нь бас нэгэн түлхэц болсон гэж үздэг.
Тус дайнд 70-аад сая цэргүүд оролцсон бөгөөд 9 гаруй сая хүн амь насаа алдсан бөгөөд дэлхийн түүхэн дэх 6 дахь томоохон хөнөөлтэй дайн хэмээн тэмдэглэгдэн үлджээ.
