Мексикийн Нэгдсэн Улсын нийслэл Меxико xотноо энэ удаагийн “Miss Universe” тэмцээн зоxион байгуулагдаж байна.
1952 оноос xойш зоxион байгуулагдаж байгаа 73 дахь удаагийн уг тэмцээнд эх орноо төлөөлж З.Номинзул оролцож байгаа юм. Тэрээр “Miss Universe Mongolia 2023” тэмцээний ялагч бөгөөд “Miss Universe 2023” тэмцээн эхлэх үед насанд хүрээгүй байсан учраас оролцох боломжгүй болсон аж.
З.Номинзул 2005 онд Булган аймгийн Могот сумын малчин айлын гэрт төржээ. Энэ жил 19 настай тэрээр МУИС-ийн Бизнесийн Сургуульд нягтлан бодогч мэргэжлээр 2-р курст сурдаг, мөн МҮОНРТ-ын хөгжмийн нэвтрүүлгийн хөтлөгч билээ.
Загвар өмсөгчийн гараагаа мисс М.Бадамгэрэлийн “ANDRA Academy”-аас эхлүүлж, одоо тус академид харъяалагддаг аж.
Жирийн нэгэн малчин айлын хүүхэд,нүүдэлчин аж ахуйтай ойр гэдгээрээ даян дэлхийн үзэсгэлэнт бүсгүйчүүдээс ялгаатай юм.
