Өнөөдөр 2024 оны 12-р сарын 26. Пүрэв гараг / БИЛГИЙН ТООЛЛЫН: 26.
Билгийн тооллын өвлийн дунд улаан хулгана сарын хуучны 26-ны өдөр. Нэг цагаан мэнгэтэй, гал суудалтай, дүвзий 14, 18 жэдзий 14 одтой, хөх хулгана өдөр.
Хотол чуулганы барилдлагатай өдөр.
Шүтэн барилдлага хуран үйлдэхүй.
Наран ургах шингэх цаг 08:41- 17:05.
Үс засуулбал: Жаргал үргэлжид ирэх сайн.
Өдрийн сайн цаг: хулгана (23:40-01:40), үхэр (01:40-03:40), туулай (05:40-07:40), морь (11:40-13:40), бич (15:40-17:40), тахиа (17:40-19:40) болой.
Бар, туулай жилтэй хүмүүний сүлд өдөр. Бич жилтэй хүмүүст энэ өдөр цаг харгалзахгүй аливаа үйлийг хийхэд сайн. Үхэр, луу, хонь, нохой жилтэй хүмүүсийн харш өдөр тул аливаа үйлд хянуур ханд. Бусад жилтэй хүмүүс аливаа үйлийг хийхэд сайн цагийг баримталж хийвэл зохилтой.
Хол газар явагсад зүүн урд зүгт мөрөө гаргавал өлзийтэй сайн.
Хүний сүлд өвдөг, өвчүү, хацарт орших болой.
Энэ өдөр түшмэлд бичиг барих, шинэ ажил эхлэх, найз, нөхдийг түшиж элдэв үйлийг түргэн бүтээх, бүтээл туурвил эхлэх, цар ихтэй үйлийг эхлүүлэх, замд гарах, өглөгийн буян үйлдэх, зээл авах, өгөх, худалдаа наймаа хийх, угаал үйлдэх, урлахуйн ухааны бүтээл эхлэх зэрэг үйлд сайн.
Мэргэ, төлгө тавиулах, гал тахиулах, идэш төхөөрөх зэрэг үйлд муу зайлшгүй хийх шаардлагатай бол өдрийн сайн цагийг баримталж, Жанаггагдог, Найман гэгээн, Няваа гүнсэл зэрэг номыг засал болгон хийлгэж үйлдвээс зохилтой.
