Дэлхийн шүдний эмч нарын өдөр жил бүрийн гуравдугаар сарын 6-нд тохиодог. Энэ өдөр нь шүдний эмч нарын нийгэмд гүйцэтгэдэг чухал үүргийг онцлон тэмдэглэх, амны хөндийн эрүүл мэндийн ач холбогдлыг олон нийтэд таниулах зорилготой.
Монголд анхны шүдний эмнэлэг 1930-аад онд, шүд эрүү нүүрний төв 1961 онд байгуулагдсан бөгөөд Монголд 1000 гаруй шүдний эмч ажиллаж байна.
Монгол Улсын хүн амын 90% нь шүдний цооролтой гэх судалгаа бий.
Уншигч та бүхэнд шүдний эмч нартай холбоотой сонирхолтой баримтуудыг хүргэе.
- Анхны шүдний эмч хэн байсан бэ?
• Дэлхийн хамгийн эртний шүдний эмчийг Египетийн Хеси-Ре гэж үздэг. Тэрээр МЭӨ 2600 онд амьдарч байсан бөгөөд “Шүдний эмч нарын тэргүүн” гэсэн цолтой байжээ.
- Анхны шүдний ном хэзээ гарсан бэ?
• 1723 онд Францын шүдний эмч Пьер Фошар (Pierre Fauchard) “Le Chirurgien Dentiste” буюу “Шүдний мэс засалч” номоо бичсэн нь орчин үеийн шүдний анагаах ухааны үндэс болсон.
- Шүдний анхны өрөм хэзээ гарсан бэ?
• Шүдний эмч нар 18-р зуун хүртэл гараар эргэдэг энгийн багаж ашигладаг байсан бол 1864 онд Грин Вард Блэк (Green Vardiman Black) анхны механик шүдний өрөм бүтээсэн байна.
- Дэлхийн хамгийн үнэтэй шүд хэнийх байсан бэ?
• Жон Ленноны шүд 2011 онд дуудлага худалдаагаар 31,000 фунт стерлинг (~40,000 ам.доллар)-оор зарагдсан нь хамгийн үнэтэй шүд гэж тооцогддог.
- Амны хөндийн эрүүл мэнд ба зүрхний өвчин холбоотой юу?
• Судалгаагаар шүдний өвчлөл, буйлны үрэвсэл нь зүрхний өвчин, харвалт, чихрийн шижин үүсэх эрсдэлийг нэмэгдүүлдэг болох нь тогтоогдсон.
- Хамгийн эртний шүдний ломбыг юугаар хийсэн бэ?
• Археологичид 6500 жилийн настай хүний гавлаас зөгийн лавтай ломбо олсон нь хамгийн эртний шүдний ломбо гэж үздэг.
- Дэлхий даяар 1 сая гаруй шүдний эмч ажилладаг гэсэн тооцоо бий.
- Шүдний эмч нарын бидэнд өгөх зөвлөгөө:
- Өдөрт хоёр удаа 2 минутын турш шүдээ угаах
- Шүдний утас тогтмол хэрэглэх
- Сахар, газтай ундаа хэтрүүлэн хэрэглэхгүй байх
- 6 сар тутам шүдний эмчид үзүүлэх
