2025 оны 4-р сараас эхлэн Токио хотын захиргаа төрийн албан хаагчдад зориулан ажлын 4 өдөртэй байхаар шийдвэрлэсэн юм. Энэхүү санаачилга нь ажил амьдралын тэнцвэрийг сайжруулах, төрөлтийн түвшинг нэмэгдүүлэх, ялангуяа эмэгтэйчүүдийн гэр бүл дэх үүргийг нэмэгдүүлэхэд дэмжлэг үзүүлэх зорилготой юм.
Мөн бага насны хүүхэдтэй эцэг эхчүүд өдөрт 2 цагийн “хүүхэд асрах хагас чөлөө” авах боломжтой болж байгаа юм.
Зарим шинжээчид энэхүү санаачилга нь төрөлтийн түвшинг нэмэгдүүлэхэд хангалтгүй гэж үзэж байна. Тэдний үзэж буйгаар, гэр бүлийн амьдралд эрэгтэйчүүдийн оролцоог нэмэгдүүлэхгүйгээр зөвхөн ажлын өдрийг багасгах нь үр дүн багатай байж болзошгүй юм.
Хэдийгээр энэхүү бодлого нь одоогоор зөвхөн Токио хотын захиргааны албан хаагчдад хамаарах боловч, амжилттай хэрэгжвэл бусад салбар, бүс нутагт өргөжих боломжтой.
