Samsung компани Galaxy S25 ухаалаг гар утасны цувралын шинэ, нимгэн хувилбарыг танилцууллаа. Samsung Galaxy S25 Edge нь 5.8 мм зузаантай, 163 грамм жинтэй юм.
Samsung компанийн мэдээлснээр Galaxy S25 Edge-ийн үнэ 1,099 ам.доллараас эхэлж, тавдугаар сарын 30-наас худалдаанд гарах аж.
Galaxy S25 Edge нь 6.7 инч дэлгэцтэй бөгөөд энэ нь S25+ загвартай ижил боловч илүү нимгэн, хөнгөн. Мөн хос камерын систем болон Samsung-ийн хамгийн сүүлийн үеийн хиймэл оюун ухааны (AI) шийдлүүдийг агуулжээ.
Мөн Apple энэ жил “iPhone 17 Air” нэртэй, нимгэн загвар бүхий шинэ бүтээгдэхүүнээ танилцуулахаар ажиллаж байгаа юм.
