Бүгд Найрамдах Тува Улсын Дээд Хурлын дарга Кан-оол Тимурович Даваагийн урилгаар Ховд аймгийн ИТХ-ын дарга З.Эрхбаяраар ахлуулсан аймгийн ИТХ-ын төлөөлөгчид, холбогдох албаны төлөөлөл Кызыл хотод ажлын айлчлал хийлээ. Энэ үеэр Ховд аймгийн Иргэдийн Төлөөлөгчдийн хурал, ОХУ-ын Тува улсын Дээд хуралтай хамтран ажиллах гэрээг шинэчлэн үзэглэв.
Хамтын ажиллагааны гэрээнд:
- Эдийн засаг
- Боловсрол
- Байгаль орчны хамгаалал
- Шинжлэх ухаан
- Соёл, спорт зэрэг салбарыг хамтын үйл ажиллагааны тэргүүлэх чиглэл болгон судалж, холбогдох хууль тогтоомжийн хүрээнд хэрэгжүүлнэ.
Мөн Увс аймгийн ИТХ-ын дарга П.Баттулга, Увс аймгийн ИТХ-ын төлөөлөгчид, албаны төлөөлөл энэ айлчлалд оролцлоо гэж холбогдох албаныхан мэдээллээ.
