16 дахь удаагийн “Улаанбаатар” олон улсын кино наадам 10-р сарын 16-22-ны өдрүүдэд болно. Энэхүү кино наадмаар дотоодын болон гадаадын олон шилдэг кинонууд тухайн улсынхаа элчин сайдын яамны тусламжтайгаар үзэгчдийн хүртээл болох юм.
Уг кино наадам Нээлтийн үзвэр, Монгол кино үзвэр, Олон улсын баримтат ба уран сайхны үзвэр, “Үзэхийн Хязгаар” Монголын сонгодог бүтээл, “Залуу үзэгч” хөтөлбөр болон кино уран бүтээлчдэд зориулсан мастер хичээлүүдээс бүрдэнэ. Наадмын үзвэрүүд Тэнгис, Өргөө 3 болон Синема Нэкст кино театруудаар гарах аж.
Энэ жилийн нээлтийн киногоор найруулагч Б.Баатарын сэтгэл зүйн триллер төрлийн “Гажуудал” сонгогджээ. Уг кино нь Пусаны кино наадмын “Азийн Киноны Цонх” хэсэгт албан ёсоор шалгарч олон улсад нээлтээ хийсэн билээ.
“Улаанбаатар” олон улсын кино наадмын хөтөлбөрийг танилцуулъя.
