Монголын зохиолчдын эвлэлээс жил бүр оны шилдэг шүлэг шалгаруулах “Болор цом” яруу найргийн наадмыг зохион байгуулдаг бөгөөд 42 дахь удаагийн наадмын тов зарлагджээ.
Тус наадмын эхний шатны шалгаруулалт ирэх сарын 22-нд, сүүлийн шатны шалгаруулалт 26-нд болох юм. Энэхүү наадамд оролцох найрагчид 2024 онд бичсэн, чөлөөт сэдэвтэй хоёр шүлгээ ирэх сарын 20-ны 20:00 цагаас өмнө МЗЭ-ийн mze.khoroo@gmail.com хаягаар илгээх эсвэл Монголын зохиолчдын ордны 207 тоотод овог нэр, холбоо барих утсаа тодорхой гаргацтай бичиж ирүүлэх боломжтой. “Болор цом- 42” наадамд сойх бүтээл урьд өмнө ном, хэвлэл, цахим орчинд нийтлэгдээгүй байх шаардлагыг тавьдаг.
“Болор цом”-ын эзэн ирэх сарын 26-нд буюу Улс тунхагласны баярын өдөр Соёлын төв өргөөний тайзнаа тодрох болно.
