Монгол улсад орчин цагийн симфони найрал хөгжим үүсэж хөгжсөний 100 жилийн жилийн ой тохиож байна.
Энэ хүрээнд УДБЭТ-ын уран бүтээлчид “Найрал хөгжим-100” тоглолтыг үзэгчдийн хүртээл болгох аж. Энэхүү тоглолт ирэх сарын 2-нд болох бөгөөд симфони найрал хөгжмийн түүхийг бичилцсэн ахмад, дунд үеийнхэн хамтран театрын урын санд байдаг дэлхийн болон үндэсний сонгодог бүтээлүүдийн дээжээс хүргэх юм.
Харин ирэх сарын 3-нд болох “Orchester Night” тоглолтод орчин үеийн шинэ чиглэл, жанр бүхий уран бүтээлүүдийг залуу уран бүтээлчид үзэгчдийн хүртээл болгох юм.
Тоглолтын найруулагчаар соёлын тэргүүний ажилтан Б.Мэндбаяр, ерөнхий удирдаачаар нь Ц.Тэлмүүн-Очир ажиллаж, ардын жүжигчин Ж.Бүрэнбэх, урлагийн гавьяат зүтгэлтэн Н.Туулайхүү нар зөвлөхөөр ажиллах юм.
