1940 оны 11-р сарын 28-нд филисофич, алдарт жүжигчин, найруулагч, тулааны урлагийн мастер Брюс Ли мэндэлжээ. Ээж нь түүнд дом болгон Ли Юн Фан хэмээх эмэгтэй хүүхдийн нэр өгчээ. Учир нь муу сүнс эрэгтэй хүүхдийг жаахан байхад нь аваад явдаг гэсэн мухар сүсгээс болсон аж. Харин сургуульд ормогцоо нэрээ охин хүүхдийнх гэдгийг мэдээд Брюс Ли болгон өөрчилжээ.
Брюс Ли жүжигчнийхээ карьерийг нэг настайдаа “Алтан хаалганы охин” гэдэг жүжигт тоглон эхэлсэн гэдэг. Сургуульд байхдаа хүүхдүүдэд дээрэлхүүлдэг байсан учраас тулааны урлагаар хичээллэж эхэлсэн нь түүний кино урлагийн амжилтын эх байсан гэхэд хилсдэхгүй.
Сохирхуулахад, 18 насандаа Хонконгийн Ча Ча бүжгийн аваргаар шалгарч байжээ.
Ли өөрөө зохиолыг нь бичиж, тулааны хэсгийг нь найруулан анх удаа гол дүрд нь тоглосон “Хилэнт нудрага” киногоо 100,000 долларын зардлаар бүтээжээ. Тэрээр бүх киноныхоо тулааны хэсгүүдийг өөрөө найруулан, өмнөх кинонуудын супермэнүүдээс татгалзан, амьдралд ойрхон, гэвч маш хурдан хөдөлгөөнтэйгээр хийж эхлэв.
1972 онд “Луу иргэж ирсэн нь” кинонд өмнөх киноныхоо зохиолтой адил мафийнхнаас гэр бүлийнхнээ хамгаалсан дүр бүтээн, Ромд зураг авалтаа хийжээ. Уг киноны араас “Үхлийн тоглоом” нэртэй кино хийж эхэлсэн ч зураг авалтыг хараахан дуусгалгүй Холливуудыг зорьжээ.
1972 ондоо гаргасан “Enter the Dragon” нь түүний хамгийн амжилттай уран бүтээл болсон юм. Хонконг, Холливудтай хамтарсан энэхүү бүтээлд 850,000 долларын өртөг шингэмсэн бөгөөд тухайн үеийн хамгийн супер одод тоглосон юм.
Кино нээлтээ хийхээс долоо хоногийн өмнө 1973 оны 7 сарын 20-нд домогт Брюс Ли 32 насандаа тэнгэрт хальсан бөгөөд түүний үхлийн шалтгаан нь нарийн тогтоогдоогүй билээ
Түүнийг Таймс сэтгүүл XX зууны хамгийн нөлөөтэй 100 хүний тоонд Альберт Эйнштейн, Мартин Лютер Кинг, Адольф Хитлер нарын хамтаар оруулсан юм.
