“Анна Каренина” жүжиг энэ сарын 11-15-ныг хүртэл Улсын драмын эрдмийн театрын тайзнаа тоглогдоно.
Оросын алдарт зохиолч Л.Н.Толстой “Анна Каренина” романаа 1873-1877 онд бичиж, 1878 онд бүрэн эхээр нь хэвлүүлсэн бөгөөд энэхүү роман бүх цаг үеийн хамгийн шилдэг зохиолд зүй ёсоор тооцогддог.
Харин манай улсад УДЭТ-ын ерөнхий захирал, Төрийн соёрхолт, урлагийн гавьяат зүтгэлтэн Н.Наранбаатарын найруулсан уг жүжиг анх 2020 онд нээлтээ хийсэн билээ. Анхны Анна Каренинагийн дүрд СТА Н.Баярмаа тоглож байсан бол энэ удаа залуу жүжигчин О.Хонгорзул Аннагийн дүрийг амилуулах юм.
