УИХ-ын гишүүн М.Энхцэцэг улс төрийн хүрээнд үүсээд буй нөхцөл байдлын талаар өөрийн байр сууриа илэрхийлжээ.
Тэрбээр, “Төр засаг тогтвортой байх нь түмэн олонд тустай. Том төслүүд хөдөлж байж л ахиухан орлоготой болж, хөгжих боломж бүрдэнэ. Хамтарч, хавсарч байж л том төслүүдээ хөдөлгөнө. Хоёр тийш хараад, хэрэлдээд байвал Монгол л хохирно, цаг хугацаа биднийг хүлээхгүй.
Хамтарсан эхний жилдээ хил холболт, усан станц, уран гээд харьцангуй овоо хэдэн том төслүүдээ хөдөлгөсөн жил байлаа л гэж харж байна.
Төр доторх алдаа, оноог түмнээрээ хэлэлцээд, засаж залруулаад цааш явахаа л бодох нь зөв байх.
Хуйгаар нь сольж, хуйлруулж үймүүлэх нь хэтийн үйл хэргийг сааруулна, сатааруулна. Том зургаар нь харж, төрөө тогтвортой байлгах нь чухал” гэв.
