Намар модод навчсаа гөвж, энд тэндгүй шарласан навчис хөглөрдөг. Тэгвэл газар хөглөрсөн модны навчис ялзрахдаа биомасс үүсгэж хөрсний үржил шимийг сайжруулан, хөрсийг элэгдэхээс хамгаалж чаддаг. Нэг ёсондоо үнэгүй боловч ашиг тустай бордоо болно. Навчинд бактериуд үржиж, хөрсөнд нэвтрэн ургамалд шингэж, үржил шимт давхаргыг үүсгэдэг тул навч ашиглан олон янзаар бордоо бэлтгэх боломжтой. Газарт унасан навчсыг шууд шүүрдэж хаялгүй, хамж шатаалгүй түүж аваад муудаж доройтсон хөрстэй газарт дэвсэх, тарьсан модныхоо нүхэнд хийхийг Экологийн цагдаагийн албанаас зөвлөж байна.
Намрын унасан навчис бордоо болдог
