Хэрвээ та эрт унтаж, чанартай нойр авахыг хүсвэл дараах хүнснүүдийг хэрэглээд үзээрэй.
Эдгээр хүнснүүд мелатонин, триптофан, магни, кали зэрэг тайвшруулах нөлөөтэй шим тэжээлүүдийг агуулдаг аж.
1. Сүү, тараг, аарц
• Кальци болон триптофан агуулдаг тул мелатонины ялгаруулалтыг нэмэгдүүлж, тайван амрахад тусална.
• Халуун сүү уух нь стресс бууруулахад.
2. Банана
• Магни, кали ихтэй тул булчингийн амралтыг дэмжиж, стресс тайлах үйлчилгээтэй.
• Триптофан агуулдаг тул серотонин, мелатонин үүсэхэд нөлөөлнө.
3. Самар, үр (Хушга, бүйлс, хулууны үр, маалингын үр)
• Хушга мелатонин их хэмжээгээр агуулдаг бол бүйлс нь магни ихтэй тул булчинг тайвшруулж, стрессийг бууруулна.
• Хулууны үр триптофан агуулдаг тул сайн унтахад тусална.
4. Зөгийн бал
• Нүүрс усны агууламжтай тул серотонины ялгаруулалтыг дэмжиж, тархинд амралтын дохио өгдөг.
• Халуун сүүтэй хольж уувал илүү үр дүнтэй.
5. Лууван, амтат төмс
• Кали ихтэй тул цусны даралтыг тогтворжуулж, булчинг тайвшруулна.
6. Хар шоколад (какао өндөртэй, 70%+)
• Серотонин ялгаруулж, тайвшруулах үйлчилгээтэй.
• Хэт их хэрэглэвэл сэргэх магадлалтай тул бага хэмжээгээр хэрэглэх нь зүйтэй.
7. Овьёос
• Мелатонин агуулдаг тул биологийн цагийг дэмжинэ.
• Бага зэрэг зөгийн бал, самар нэмж идэж болно.
8. Загас (яргай, туна, хулд)
• Омега-3 болон D аминдэм ихтэй тул серотонины түвшинг нэмэгдүүлж, стрессийг бууруулна.
9. Киви
• Энэ жимс нь А, В, В1, В2, В3, В6, С, Е амин дэмээр баялаг төдийгүй магни, кали, каротин, уураг, микро элементүүдээр баялаг.
Орой унтахын өмнө хэрэглэхээс зайлсхийх зүйлс:
• Кофеин (кофе, ногоон болон хар цай, хийжүүлсэн ундаа)
• Их хэмжээний сахар агуулсан хүнс
• Шарсан, өөх тостой хүнд хоол
Оройн хоолоо унтахаас 2-3 цагийн өмнө идэж, хэт ихээр хөнгөн зууш хэрэглэхээс зайлсхийх нь чухал.
