1879 оны энэ өдөрт алдарт физикч, эрдэмтэн Алберт Эйнштейн одоогийн Герман улсын нутагт мэндэлжээ. Тэрээр шинжлэх ухааны ертөнцийг өөрчилсөн суутан бөгөөд ьүүний амьдрал, үзэл бодол, шинжлэх ухааны ололт амжилттай холбоотой дараах 10 сонирхолтой баримтыг хүргэе.
- Эйнштейн хэлд нэлээд оройтож орж байсан
Тэрээр 4-5 нас хүртлээ бараг ярьдаггүй байсан тул эцэг, эх нь түүнийг хэл ярианы бэрхшээлтэй гэж санаа зовдог байжээ. Гэсэн хэдий ч удалгүй гайхалтай оюуны чадавхтай болох нь тодорхой болсон юм.
- Математикт муу байгаагүй
Олон хүн Эйнштейнийг математикийн хичээлд муу байсан гэж боддог. Гэвч тэрээр багаасаа л математик, физикийн хичээлдээ маш сайн байсан бөгөөд 12 насандаа өөрөө геометрийн теоремүүдийг боддог байжээ.
- Цаг хугацаа, орон зайг өөр өнцгөөс харуулсан
Түүний 1905 онд гаргасан Харьцангуйн тусгай онол нь цаг хугацаа, орон зайг хүмүүсийн ойлгодог байсан ердийн ойлголтоос эрс өөрөөр тайлбарласан. Энэ онолоороо цаг хугацаа хурдаас хамааран харилцан адилгүй өнгөрдөг болохыг баталсан юм.
- Нобелийн шагналыг харьцангуйн онолоороо аваагүй
Эйнштейн Нобелийн шагналыг 1921 онд авсан ч энэ нь түүний хамгийн алдартай Харьцангуйн онол биш, харин Фотоцахилгаан нөлөөний онолын судалгааных нь төлөө байсан.
- Түүний тархийг нас барсны дараа судалсан
1955 онд нас барсны дараа Томас Харви гэх эмч түүний тархийг авч судалжээ. Тархины бүтцийн хувьд зарим хэсэг нь ердийн хүнийхээс илүү хөгжсөн байсан аж.
- АНУ-д ажиллахын тулд нацистуудыг эсэргүүцэж байсан
Эйнштейн анх Германд төрж өссөн ч нацистуудын эрх баригч болж, еврей хүмүүсийг хавчин гадуурхаж эхэлмэгц АНУ руу дүрвэн, Принстоны Их Сургуульд ажиллаж эхэлжээ.
- Атомын бөмбөгийн шууд бүтээгч байгаагүй
Хэдийгээр түүний алдарт E=mc² томьёо нь атомын бөмбөгийн үндэс болсон ч Эйнштейн өөрөө энэхүү зэвсгийг бүтээх ажилд оролцоогүй. Гэхдээ тэрээр 1939 онд АНУ-ын Ерөнхийлөгч Рузвельтэд захидал бичиж, Германд цөмийн зэвсгийн хөгжүүлэлт хийж болзошгүйг анхааруулсан байдаг.
- Ерөнхий харьцангуйн онолыг батлахад нарны хиртэлт тусалсан
1919 оны нарны бүтэн хиртэлтийн үеэр хийгдсэн ажиглалтаар Эйнштейний харьцангуйн онолын таамаглал батлагдсан юм. Тодруулбал, гэрэл хүндийн хүчний нөлөөгөөр муруйдаг гэсэн онолынх нь зөв байсныг энэ үзэгдэл нотолсон.
- Хийл тоглодог байсан
Тэрээр хөгжмийн авьяастай нэгэн байсан бөгөөд багаасаа хийл тоглож сурсан. Эйнштейн хөгжмийг сэтгэлээ тайвшруулах, бүтээлчээр сэтгэх арга гэж үздэг байсан бөгөөд Моцартын хөгжмүүдэд дуртай байжээ.
10. Ер бусын энгийн амьдралын хэв маягтай байсан
Эйнштейн хэт албаны ёслол, хувцаслалтад дургүй байсан бөгөөд ихэнхдээ чөлөөтэй хувцаслаж, үсээ засуулалгүй явдаг байжээ. Мөн оймс өмсөх дургүй байсан гэнэ.
